Seketari i përgjithshëm i Kombeve të Bashkuara, Antonio Guterres, dhe liderët e tjerë botërorë, e kanë dënuar sulmin me kamion-bombë në kryeqytetin e Somalisë, nga i cili janë vrarë së paku 276 vetë dhe plagosur afro 300 të tjerë.
Në rrjetin Twitter, zoti Guterrs ka shkruar dje se është i “tmerruar” nga sulmi dhe ka kërkuar “unitet në ballafaqim me terrorizmin”.
Qeveria e Somalisë për sulmin e pardjeshëm në kryeqytetin Mogadishu, i ka fajësuar ekstremistët e al-Kaidës dhe al-Shababit, megjithqë asnjëri prej këtyre dy grupeve nuk e ka marrë përgjegjësinë.
Liderët nga Shtetet e Bashkuara, Britania dhe Franca, po ashtu, e kanë dënuar sulmin, që ishte sulmi më vdekjeprurës terrorist që ndonjëherë ka ndodhur në këtë vend.
