Cyril Ramaphosa është bërë presidenti i ri i Afrikës së Jugut, një ditë pasi paraardhësi i tij, Jacob Zuma, ka dhënë dorëheqje.
Ai ka qenë kandidati i vetëm i nominuar nga Parlamenti, i cili dominohet nga partia e tij Kongresi Kombëtar Afrikan.
Në fjalimin e parë si president, Ramaphosa, 65 vjeç, ka thënë se do të luftojë korrupsionin, i cili thuhet të jetë përhapur shumë nën Zuman.
Kongresi Kombëtar Afrikan ka kërkuar nga Zuma që të largohet, në të kundërtën ka thënë se ai do të përballet me votëbesim.
Zuma përballet me disa akuza për korrupsion, por ai e mohon çdo keqbërje.
Zuma, ish-anëtar i krahut ushtarak të partisë së tij, në ditët e aparteidit, ka qenë në pushtet qysh në vitin 2009.
