Nxënësit e një shkolle anglofone në rajonin Perëndimor të Kamerunit, të cilët ishin rrëmbyer gjatë ditës së hënë, u lanë të lirë të mërkurën në mëngjes, bashkë me shoferin e autobusit.
Gjithsesi nuk patën të njëjtin fat me nxënësit, drejtori i shkollës dhe një mësuese, të cilët mbetën sërish në duart e pengmarrësve, të cilët nuk pranuan t’i lirojnë, ashtu siç bënë me pjesën tjetër.
Të hënën u rrëmbyen plot 80 nxënës, bashkë me shoferin e autobusit, drejtorin e shkollës dhe një mësuese, ndërsa ky u cilësua si incidenti më i rëndë që prej krizës separatiste në Kamerun.
Samuel Fonki, një ministër i Kishës Presbyteriane në Kamerun që negocioi për të liruar 78 fëmijë, tha se asnjë shpërblim nuk ishte paguar, por nuk dha më shumë detaje rreth rrethanave që çuan në lirimin e tyre.
