Është duke u mbajtur seanca ndaj Skënder Krasniqit i dyshuar për vrasjen e djalit të tij, Albert Krasniqit në Prishtinë, pas kërkesës së Prokurorisë për masën e paraburgimit.
Merret vesh se gjatë seancës, Skender Krasniqi ka qarë para gjyqtarit, derisa mbrojtja e tij pretendon se është vrasje nga pakujdesia.
Sipas Prokurorisë, Skender Krasniqi në garazhën e ndërtesës ku jetonin, për motive ende të panjohura ka privuar nga jeta djalin e tij.
Në bazë të kërkesës së Prokurorisë, i dyshuari gjatë fjalosjes që kishte pasur me djalin e tij, e kishte nxjerrë armën duke qëlluar në gjoks atë.
