Kryeministri i Kosovës, Albin Kurti, ka thënë se masa e reciprociteti do të zbatohet por jo përnjëherë.
Ai në seancën e Kuvendit të Kosovës ka deklaruar se Qeveria Kurti është e para që e ka vendosur këtë masë dhe se për të duhet të punohet ngadalë.
“Masën e reciprociteti do ta zbatojmë, por do ta zbatojmë ngadalë. Nuk do të ngutemi do të punojmë për të që të realizohet ngadalë. Sepse jemi qeveria e parë që merret me reciprocitetin dhe nuk janë trajnuar zyrtarët e doganave që të pranojnë reciprocitet. Në qeverinë tonë të kaluar nuk e kemi filluar reciprocitetin as në muajin e parë, e kemi filluar si reciprocitetin gradual, nuk e kemi për hakmarrje ndaj ndokujt”.
Ai ka thënë se do të zhvillojnë bisedimet me komunitetet në Kosovë për zhvillimin e tyre dhe jo për pajtim.
“Ne nuk bëjmë dialog për pajtim të komuniteteve, ne bëjmë dialog për zhvillim të komuniteteve, për drejtësi dhe punësim të tyre”, ka thënë Kurti.
