Shërbimi Korrektes i Kosovës ka investuar në instalimin e kamerave të sigurisë së Q.K Smrekonicë, me ç` rast ka rritur nivelin e sigurisë edhe brenda qendrës.
Instalimi i sistemit të kamerave në të gjitha objektet e banimit dhe monitorimi do të bëhet edhe në perimetrin e brendshëm dhe perimetrin e jashtëm të institucionit.
Investimi në instalimin e kamerave ka për qëllim rritjen e nivelit të sigurisë në hyrjet dhe daljet e institucionit, si dhe përmirësimin e kushteve të punës, duke u mundësuar zyrtarëve korrektues që punën e tyre të përditshme ta kryejnë me efikasitet edhe më të lartë.
Tash e tutje, stafi mund ta përcjell punën e përditshme të të dënuarve pa pas nevojë të jenë prezent në zonën bujqësore dhe vend punishtet tjera brenda qendrës.
Sistemi i kamerave do të lehtësojnë punën e stafit në parandalimin e futjes së mjeteve të rrezikshme dhe kontrabandës nga perimetri i jashtëm brenda institucionit korrektues.
SHKK do të vazhdoj me investime të tilla, të cilat kanë për qëllim zhvillimin e institucioneve korrektuese në të gjitha fushat, e veçanërisht në atë të sigurisë.