Kudo në vendet demokratike, policët përmbahen nga shfaqja në publik e preferencave politike, për shkak të misionit që ata kanë. Mirëpo, siç duket, polici i njësisë speciale në Pejë, Afrim Kasapi, ka bërë të kundërtën.
Ai ka shfaqur preferencat e tij politike duke bërë tifo për një kandidat të pa nominuar ende nga LVV.
Kasapi në një postim të bërë para 11 orësh në Facebook e ka cilësuar, Gëzim Mekulin, si një person të drejtë dhe me respekt për kryetar të ardhshëm të Pejës.
“Një njeri i cili ka një beground shumë të mirë dhe të pastër ku jeton dhe punon në diasporë, një person i tillë i vyn qytetit tonë të Pejës”, ka shkruar ndër të tjera polici Afrim Kasapi.
Mirëpo, një veprim i tillë bie ndesh me misionin e policisë dhe aktet e tyre të brendshme, kjo sepse në ligjin për Policinë, në nenin 2 pikën 1.3. specifikohet qe policët duhet të jenë të paanshëm dhe neutral me bindjet dhe pikëpamjet politike.
