Deputeti nga radhët e Lëvizjes Vetëvendosje, Artan Abrashi, ka thënë se refugjatët afganë janë të mirëseardhur sikurse çdo kombësi e përndjekur.
Por vendosja e tyre në ish-kampin e KFOR-it gjerman në Prizren është ide e gabuar.
Ai në një postim në Facebook ka thënë se ish-kampi gjerman në Prizren tashmë është destinuar si Qendër e Inovacionit dhe Trajnimeve dhe përqendrimi i një numri të madh të njerëzve aty nuk do të mundësojë kushte të mira për refugjatët.
“Izolimi do të bëhej i pashmangshëm dhe kjo gjë nuk është humane. Të shqyrtohet ndonjë lokacion tjetër”, ka shkruar ai.