Dje u raportua se rusi Denis Vengerskii, i shpallur “non-grata” nga Ministria e Punëve të Jashtme dhe nga Presidenca e Kosovës, është parë në qendër të Prishtinës.
Sipas raportimit nga Zona Zero e Top Channel, lokacioni ku ai u pa gjendet vetëm 200 metra larg qeverisë dhe presidencës.
Pas kësaj ka reaguar shefi i stafit të presidencës, Blerim Vela, i cili e ka quajtur këtë dezinformatë, përcjell Bota sot.
⛔️ Dezinformate: personi ne foto eshte vozitesi i Zyres Nderlidhese Ruse ne Kosove dhe jo Denis Vengerskii.
— Blerim Vela (@Blerim_Vela) November 2, 2021
Zyrtaret e Zyres Nderlidhese Ruse e kane leshuar territorin e Republikes se Kosoves brenda 24 oreve nga shpallja persona non grata.https://t.co/V9vKvVlsfw
Përmes një postimi në Twitter, ai ka thënë se ai person në foto është shoferi i Zyrës Ndërlidhëse Ruse jo zyrtari rus i shpallur “non grata”, derisa ka shtuar se ata janë larguar nga Kosova.
“Dezinformatë: personi në foto është vozitësi i Zyrës Ndërlidhëse Ruse në Kosovë dhe jo Denis Vengerskii. Zyrtarët e Zyrës Ndërlidhëse Ruse e kanë lëshuar territorin e Republikës së Kosovës brenda 24 orëve nga shpallja persona non grata”, ka shkruar Vela në Twitter./BS/
