Ministria e Shëndetësisë (MSh) ka njoftuar se më shumë se 1.7 milion doza të vaksinës janë dhënë që nga fillimi i vaksinimit kundër COVID-19 në Kosovë.
Sipas MSH, vaksinimi mbetet mënyra më praktike dhe më efektive për t’u ballafaquar edhe më tej me pandeminë.
“Vaksinimi kundër COVID-19 mund të ulë rrezikun nga infektimi dhe përhapja e virusit që e shkakton COVID-19. Vaksinat, gjithashtu, ndihmojnë në parandalimin e sëmundjeve të rënda dhe vdekjes”, thuhet në njoftim.
Kosova ka nisur fushatën e vaksinimit kundër coronavirusit në mars të vitit të kaluar.
Deri më tash, mbi 44 për qind e qytetarëve janë vaksinuar plotësisht – me dy doza.
Dhënia e dozës së tretë dhe asaj përforcuese në Kosovë ka nisur në dhjetor.
Sipas të dhënave të Ministrisë së Shëndetësisë, mbi 38,000 qytetarë kanë marrë dozën e tretë, ndërsa atë përforcuese mbi 44,000.
Dozën përforcuese dhe dozën e tretë mund ta marrin të gjithë personat mbi 18 vjeç.
