Mustafa: Po të mos doja vet, kurrë s’kishin mundur të më rrëzojnë prej postit të kryetarit në LDK-së

Aktuale

Mustafa: Po të mos doja vet, kurrë s’kishin mundur të më rrëzojnë prej postit të kryetarit në LDK-së

Më: 2 shkurt 2022 Në ora: 23:15
Isa Mustafa

Ish-kryetari i LDK-së, Isa Mustafa, ka thënë se po të donte, askush s’mund ta rrëzonte nga posti i kryetarit të paritsë, pasi LDK-ja mori rreth 13% në zgjedhjet e fundit qendrore.

Në pyetjen se si po qeveris kryetari i ri i LDK-së, Lumir Abdixhiku, Mustafa tha se është tërësisht i pavarur, e madje as nuk i ndërhyn në punë. E, po të donte, sipas Mustafës, atë askush s’mund ta rrëzonte nga posti i kryetarit.

“Abdixhiku është krejtësisht i pavarur, as nuk kam tentuar të interferohem, as nuk kam asnjë interes sepse po të doja, edhe ashtu si kemi dalë me 13%, s’ka pasur askush që mundet të më shkarkojë nga LDK-ja”, është shprehur Mustafa.

Tutje, Mustafa tha se ka pasur përkrahjen e të gjitha strukturave të LDK-së, edhe pas humbjes së zgjedhjeve qendrore.

“Me pas dashur, kisha vazhduar, e kam pasur përkrahjen e degëve. Asnjë kryetar i degës, asnjë anëtar i Kryesisë, e as i Këshillit nuk më ka thënë se unë duhet të shkoj. Unë nuk kam qenë kandidat për kryeministër, ka qenë z. Hoti. Nuk kam dalë në garë, s’jam interferuar fare në garë, por meqë LDK-ja ka humbur në krye të së cilës kam qenë unë, kam thënë se unë e marr përgjegjësinë”, ka thënë Mustafa.

Ish-kryeministri gjithashtu tha se Mustafa mori përgjegjësinë kur humbi, megjithatë nuk mori merita kur LDK-ja mori 205 mijë vota.

“E kur Vjosa ishte kandidate për kryeministër, ne i kemi marrë 205 mijë vota, por asnjëherë s’kam thënë se ka qenë vetëm meritë e imja. E dështimin e kam marr vetë”, shtoi Mustafa.

commentFirst article
Sot mund të lexoni Shfletoni kopertinat