Ministria e Financave, Punës dhe Transfereve ka dalë me një njoftim në Facebook.
Aty ua ka rikujtuar të gjithë përfituesve ndryshimin e datave të pagesave.
Duke filluar nga ky muaj, pagesat e këtyre skemave do të ekzekutohen si në vijim:
Me datë 15 të çdo muaji do të ekzekutohen pagesat e skemave sociale dhe skemat pensionale që nuk kanë nevojë për procesin e verifikimit me ATK;
Me datë 20 të çdo muaji do të ekzekutohen pensionet e veteranëve dhe pensionet tjera që kanë nevojë për procesin e verifikimit me ATK (pensionet e Trepçës dhe ato familjare);
Me datë 24 të çdo muaji do të ekzekutohen pagesat për masat aktive të tregut të punës;
Me datë 25 të çdo muaji do të ekzekutohen pagesat për lehonat e punësuara dhe të pa puna, si dhe shtesat për fëmijë;
Me datë 29 të çdo muaji do të ekzekutohen pagesat e ndihmave sociale dhe masat tjera të veçanta nga Pako e Ringjalljes Ekonomike.
