Kryetari i Odës Ekonomike Amerikane Arian Zeka, ka thënë se ka një rënie të shitjes prej 25 për qind tek ndërmarrjet e sektorit privat.
Zeka tha se kjo e sjell nevojën për mbylljen e pikave të shitjes dhe humbjen e vendeve të punës në muajt në vazhdim.
“Ajo se çka unë marrë prej ndërmarrjeve të sektorit të shitjeve me pakicë është që ka një rënie të shitjes prej 25 për qind, sidomos pjesa e artikujve jo ushqimorë dhe pastaj kjo e prishë krejt atë proporcionin e produkteve të tjera”, tha Zeka.
“Kjo përkthehet në qarkullim të kufizuar të ndërmarrjeve të sektorit privat dhe nevojën për mbylljen e pikave të shitjes dhe humbjen e vendeve të punës në muajt në vazhdim. Pra, po flasim për një përkeqësim të krizës”.
