Ish-emisari special i ShBA-së për dialogun Kosovë-Serbi, Richard Grenell, i ka reaguar gazetarit evropian të gazetës nga New Yorku ‘The Wall Street Journal”, Laurence Norman.
Norman ka bërë një postim në profilin e tij në Twitter pas qortimeve të ashpra që i dha Kosovës Bashkimi Evropian me anë të shefit të saj, Josep Borrell.
Në këtë postim, Norman tha edhe se kishte shumë pakënaqësi për mënyrën se si politika amerikane u mor me këtë çështje nën administratën Trump.
“Pas viteve që pasuan dialogun, kurrë s’e kam parë Brukselin të kritikojë kaq rëndë Kosovën. Është e paprecedentë. Me gjasë reflekton zemërimin e vërtetë ndaj Albin Kurtit. Shumë pakënaqësi evropiane kishte për mënyrën se si politika amerikane u mor me këtë çështje nën administratën Trump, por e vërteta është se gjërat janë edhe më keq.”, shkroi Normann në Twitter.
Pas kësaj, i ka reaguar Grenell, i cili e ka quajtur patetik këtë postim, teksa ka thënë se Administrata Trump i ka arritur katër marrëveshje mes Kosovës dhe Serbisë.
“”Raportim” patetik. A keni Google, Laurence? Ekipi i Trump mori 4 marrëveshje të suksesshme, ndërsa Brukseli u ankua se SHBA ishte shumë e ashpër me Kurtin. Tani Brukseli dështon dhe thërret Kurtin – dhe ju nuk e shihni hipokrizinë?”, shkroi Grenell në Twitter.
Pathetic “reporting”. Do you have google, Laurence?
— Richard Grenell (@RichardGrenell) November 21, 2022
Trump team got 4 successful agreements while Brussels complained that the U.S. was too tough on Kurti.
Now Brussels fails and calls out Kurti - and you don’t see the hypocrisy? https://t.co/N8BYogN7yc
