Ish ministrja e Financave Hykmete Bajrami, ka komentuar vendimin e sotëm të Gjykatës për dënimin e dy personave që vodhën 2.1 milion euro nga Thesari i Shtetit.
Gjykata e shkallës së parë i dënoi me 21 vjet burgim Labinot Grudën e Kadri Shalën për vjedhjen e parave të shtetit.
Ish-ministrja Hykmete Bajrami në një postim në Facebook ka deklaruar se vendimi i sotëm tregon se kur ka bashkëpunim në mes të institucioneve, rastet e vjedhjeve nuk ngelën pa u ndëshkuar.
Postimi i plotë:
E denoncova vjedhjen e 2.1 milionshit dhe sot ka vendim të Gjykatës. Drejtësia duhet të shkojë deri në fund.
Vendimi i sotshëm i Gjykatës tregon se kur ka bashkëpunim në mes të institucioneve, rastet e vjedhjeve nuk ngelën pa u ndëshkuar.
Unë besoj shumë se organet e drejtësisë dhe institucionet tjera përgjegjëse do të bashkërendojnë aktivitetet, që mjetet e vjedhura të kthen sa më parë në buxhetin e shtetit.
Hajant e kanë vendin në burg. Secili zyrtar që abuzon duhet të zbulohet, të denocohet dhe hajant duhet të marrin dënime kapitale.
