Kryetari i AAK-së, Ramush Haradinaj, bëri homazhe në kompleksin memorial “Adem Jashari” në Prekaz.
Në 15-vjetorin e Pavarësisë së Kosovës, Haradinaj tha se është nder i madh të nderoj të rënët për liri duke filluar nga komandanti Adem Jashari, familja Jashari dhe të rënët për liri.
“Urime përvjetori i Pavarësisë, njëkohësisht, përjetësisht nderim për të gjithë ata që e kanë bërë në mënyrën e vet e çfarëdo që kanë arrit me bë që ne me mrri këtë ditë.
Kuptohet, përulemi me respekt për të rënët për liri. Ndërsa është nder i madh të vijmë e të nderojmë këtu në Prekaz, Komandantin Legjendar Adem Jashari, familjen Jashari, luftën e UÇK-së e të rënët për liri.
Urime e përjetshme Pavarësia dhe liria jonë”, tha Haradinaj.
