Kuvendi i Kosovës të enjten do të mbajë seancë të rregullt ku në rend dite janë edhe miratimi i marrëveshje të arritura në Procesin e Berlinit vitit e kaluar.
Këtë e ka bërë të ditur shefja e grupit parlamentar të VV-së Mimoza Kusari-Lila.
Qeveria e Kosovës më 8 shkurt kishte miratuar tri marrëveshjet e arritura në Procesin e Berlinit që përfshijnë Lëvizjen e Lirë me Letërnjoftime në Ballkanin Perëndimor, atë për Njohjen e Kualifikimeve Profesionale të Mjekëve, Stomatologëve dhe Arkitektëve në kontekstin e Marrëveshjes së Tregtisë së Lirë të Evropës Qendrore si dhe Marrëveshjen për Njohjen e Kualifikimeve të Arsimit të Lartë në Ballkanin Perëndimor.
Ajo poashtu ka njoftuar se Kuvendi do të mbajë seancë edhe të mërkurën ku do të shqyrtohet pikat e papërfunduar nga seancat e kaluara.
