Qetësia dhe krenaria mbizotëronin në Burojë të Skenderajt në gjykimin e Hashim Thaçit dhe krerëve të UÇK-së. Disa ishin të nervozuar me deklaratat e prokurorisë.
Kishte edhe pak minuta deri në orën 09:00, kur do të fillonte gjykimi ndaj bashkëfshatarit të tyre.
Kjo ishte arsyeja pse në atë kohë askush nuk shihej në rrugët e fshatit Burojë të Skënderajt.
Edhe në oborrin e shtëpisë së prindërve të Hashim Thaçit, përveç mediave nuk ishte askush.
Mbështetje shihej edhe nga fqinjët e tij.
Kurse një familjar i Hashim Thaçit, nuk kishte dashur të dëgjonte siç thotë ai shpifjet e prokurorit në Hagë.
Andaj, Hilmi Thaçi kishte dalë për ajër të pastër, e më vonë edhe do të shkonte tek Haxhi Thaçi, babai i ish-presidentit.
Seancën e Hagës në fshatin Likoc kishte dalë ta ndjek edhe shoku i klasës e bashkëluftëtarit të tij në 99-tën, Arif Aliu.
Por çka mendon ai dhe cilat janë emocionet me fillimin e gjykimit të shokut të tij?
Aliu tregon se ishin pikërisht krerët e UÇK-së që janë në Hagë, ata që vazhdimisht thirrën për luftë të pastër.
Mallin dhe stresin që i dha seanca, doli ta heq pak edhe Mursel Shala.
Ish-arsimtari i komandant “Gjarprit”, erdhi në shkollën ku ish-drejtorit politik të UÇK-së i dha mësim.
Aty ai tregon se si e priti seancën dhe akuzat e prokurorisë.
Shala tregon se ish-presidenti ishte i urtë e nxënës i mirë, por kurrë nuk kishte vërejtur aktivitetin e tij.
Ajo çka vërehej në gjithë Skenderaj, ishte besimi që pafajësinë e liderëve të UÇK-së.
