Nis gjykimi ndaj Shalës, pjesa më madhe dëshmisë mbahet në seancë private

Në seancën gjyqësore në rastin kundër Pjetër Shalës i njohur me nofkën komandat “Ujku”, tashmë ka nisur dhënien e dëshmisë së tij dëshmitari i shtatë me pseudonimin TW4-01.

Derisa, ky dëshmitar i radhës ndodhet në sallën e gjyqit, kryetarja e trupit gjykues, Mappie Veldt-Foglia e ka njoftuar atë me masat mbrojtëse, ndërsa shtoi se për arsye të mbrojtjes së identitetit të tij pjesa më e madhe e dëshmisë do të jetë në seancë private.

Trupi gjykues theksoi se pas përfundimit të dëshmisë së këtij dëshmitari, transkripta e dëshmisë së tij do të rishikohet në kohën e duhur dhe do të bëhet publike sa më shumë që të jetë e mundur.

Veldt-Folia: Për arsye të mbrojtjes së dëshmitarit parashikohet që pjesa më e madhe e dëshmisë të jetë private

“Për arsye të mbrojtjes së dëshmitarit parashikojmë që pjesa më e madhe e dëshmisë së këtij dëshmitari të jepet në seancë private në mënyrë që të mbrohet identiteti i dëshmitarit. Paneli më pas do të shikojë dëshminë dhe do të gjykojë se cilat pjesë mund të nxirren për publikun”, tha kryetarja e trupit gjykues.

Zyra e Prokurorit të Specializuar ka paraparë që për 12 orë të bëjë pyetje për dëshmitarin e shtatë.

Pjetër Shala, seancën e sotme po e përcjell nga qendra e paraburgimit, përmes video-lidhjes.

Shala po qëndron në Hagë prej marsit të vitit 2021.

Në gjykimin kundër Pjetër Shalës deri tani janë dëgjuar katër dëshmitarë të Zyrës së Prokurorit të Specializuar, identiteti i të cilëve nuk është bërë i ditur për publikun.

Sipas Speciales “Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e flet arrestit dhe urdhrit për transferim lëshuar nga Dhomat e Specializuara të Kosovës.

Pranë Dhomave të Specializuara në Hagë sot po vazhdon gjykimi ndaj Pjetër Shalës. Në këtë seancë pritet të dëgjohet dëshmitari i shtatë me kodin numër 1 i Zyrës së Prokurorit të Specializuar.

Pjetër Shala po e ndjek këtë seancë nga qendra e paraburgimit, përmes video-lidhjes.

Kryetarja e trupit gjykues, Mappie Veldt-Foglia kërkoi që për disa qaste të kalohet në seancë të mbyllur për publikun para sa të nis dëshmia e dëshmitarit të 1 të ZPS-së.

“Sot do të vijojmë me paraqitjen e prova sot do të dëshmojmë dëshminë e dëshmitarit numër 1 të ZPS-së“, u shpreh ajo.

Pjetër Shala po qëndron në Hagë prej marsit të vitit 2021.

Në gjykimin kundër Pjetër Shalës deri tani janë dëgjuar katër dëshmitarë të Zyrës së Prokurorit të Specializuar, identiteti i të cilëve nuk është bërë i ditur për publikun.

Sipas Speciales “Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.