Në tregun e Kosovës së fundi vërehet një rritje e çmimeve të derivateve të naftës.
Në disa pompa çmimi është rritur për 2 centë e në disa deri në 6 centë.
Derisa sot në një pikë karburanti litrën e naftës mund ta marrësh me 1.22 euro ka disa të tjera që e tregtojnë me 1.31 euro, pra dallimi është 9 centë për litër.
Kryetari i Shoqatës së Naftëtarëve, Fadil Berjani ka thënë se nuk ka lëvizje të mëdha në tregjet ndërkombëtare, prandaj i kemi këto çmime që janë që disa ditë.
“Treg i lirë, oferta dhe kërkesa formulon çmimin. Jemi shteti më i vogël në botë me më së shumti pika karburanti. Prandaj qytetarët e kanë mundësinë që të zgjedhin se ku do të furnizohen”, ka thënë Berjani.
