Publicistja Kimete Berisha nëpërmjet një postimi në profilin e saj në Facebook ka njoftuar se këto ditë ka vizituar ish banesën e saj në komunën Mitrovicë e Veriut,
Ajo ka përshkruar rrugën përgjatë vizitës, ndërsa ka thënë se nuk ka folur fare duke menduar se mos po e njohin paramilitarët e “Rojave të Urës”.
Megjithatë ajo tregon se aty takoi edhe shqiptarë që e përshëndetën dhe ia shprehën respektin.
Postimi i plotë:
Në fund të qytetit, Mitrovicë e Veriut, më 21 korrik 2023.
Kati i katërt i ndërtesës, prapa shpinës, ishte banesa ime, deri në mars 1999.
Gjithmonë më duket se kam lënë diçka aty.
Gjeni i nostalgjisë, edhe kujtimin e keq ta bën të të duket i mirë.
- Mendoja mos po më njohin paramilitarët e rojave të urës e të mbrojtjes civile.
Nuk flisja.
Ecja nëpër korzo.
Shumë serbë.
Gati gjysma e dyqaneve ishin mbyllur.
hey Kur mbërriva te busti i 'Car Llazarit', dy djem me biçikleta, më thirrën në emër.
E ktheva kokën, thashë me vete 'e hëngra'. Ata ishin shqiptarë dhe më përshëndeten me dorë në zemër: 'Kimete, respekt'!
P.S. Mbrëmë ndodhi një shpërthim në veriun e Mitrovicës.
- Sot shkova atje, pa u menduar dy herë.
A kisha frikë?
- Jo.
Pse?
- S'di!
Ndoshta...se nuk ndjej as frikë, as dashuri...veç pak nostalgji, sa për ta mbajtur shpirtin.
