Kryeministri i Kosovës, Albin Kurti ka reaguar lidhur me vrasjen e trefishtë që ndodhi brenda familjes në Rufc të Lipjanit.
Kurti është shprehur i trishtuar për rastin duke shtuar se përtej rrethanave që do të sqarohen nga autoritetet.
Ai ka thënë se tronditje të tilla “lënë boshllëk në zemrat e secilit prej nesh”.
Shkrimi i plotë:
I trishtuar pamasë nga lajmi i kobshëm për vdekjen tragjike të tre antarëve të familjes Bekteshi nga fshati Rufc i Vjetër i Komunës së Lipjanit.
Përtej rrethanave që do të sqarohen nga autoritetet, tronditje të tilla lënë boshllëk në zemrat e secilit prej nesh. Sot, jemi pranë familjarëve e miqve të viktimave.
Familjes Bekteshi i shpreh ngushëllimet më të sinqerta për humbjen e madhe, sikurse edhe të gjithë qytetarëve të Komunës së Lipjanit.