Kreu i Nismës Socialdemokrate, Fatmir Limaj, ka thënë se me Qeverinë Kurti është “luks” të flitet për investimet direkte në Kosovë.
Sipas Limajt, investitorët po largohen nga Kosova e po gjejnë treg në vendet e rajonit.
“A jeni tu e kuptu që biznisi i madh i Kosovës është duke u largu nga Kosova? Tash është lluks me fol qysh kena fol për investime direkte. Këtu është duke ndodhë e kundërta dhe shpesh do t’i shohim pasojat. Korporatat e fuqishme të Republikës së Kosovës po na largohen nga vendi ynë dhe po hulumtojnë dhe po gjejnë treg brenda rajonit. Me dhjetëra e dhjetëra milionë nga një Kosovë që ka nevojë jetike për investime direkte, edhe ato që i ka po i largohen. Kjo është situata reale e vendit”, ka deklaruar Limaj në DPT te Fidani.
Pavarësisht kësaj situate, Limaj thotë se krerët e Shtetit ende lavdërohen me mbledhjen e tatimeve dhe të hyrat e Doganës”
“Çka bajnë këta. Dalin na folin sa ka mbledh tatime dhe sa ka mbledh Dogana. Dmth dalin sot drejtuesit e vendit e lavdohen për mbledhjen e tatimit dhe të hyrat e Doganës. Kjo e Doganës është koncept ekonomik i shekullit XVI e XVII”, ka shtuar Limaj.
