Ministrja e Drejtësisë, Albulena Haxhiu, ka takuar shefin e Misionit të Komitetit Ndërkombëtar të Kryqit të Kuq, Agim Gashin.
Haxhiu e Gashi folën për intensifikimin e punës në zbardhjen e fatit të personave të zhdukur me forcë gjatë luftës së fundit në Kosovë.
“Ministrja e Drejtësisë shprehu falënderimin e Qeverisë së Kosovës për bashkëpunimin me Komisioni Qeveritar për Personat e Zhdukur dhe ndihmën e dhënë për ngritjen e kapaciteteve të Institutit të Mjekësisë Ligjore”.
“Gjatë takimit përfaqësuesit e KNKK këmbyen informata për çështjen e personave të zhdukur me forcë. Temë e diskutimit ishte gjithashtu intensifikimi i punës në sigurimin e qasjes në arkiva, ku u theksua nevoja e sigurimit të informatave dhe qasjes në arkivat jashtë Kosovës”, shkroi Haxhiu.
