Presidenti i Qipros, Nikos Christodoulides, ka qenë për vizitë në Beograd dhe është takuar me homologun e tij serb, Aleksandar Vuçiq.
Në një konferencë për media, Christodoulides ka thënë se ata kanë biseduar për procesin e dialogut Kosovë-Serbi, dhe se qëndrimi i Qipros ndaj Prishtinës mbetet i njëjtë për mosnjohje.
“Ne biseduam për dialogun ndërmjet Beogradit dhe Prishtinës, dua të ritheksoj publikisht mbështetjen tonë për përpjekjet e qeverisë serbe, qëndrimi i Qipros është i qartë dhe nuk mund të ndryshohet në lidhje me integritetin territorial dhe sovranitetin e Serbisë”.
“Qiproja është më e forta si mbështetëse e Serbisë për anëtarësim në BE, së fundi janë ndërmarrë hapa të rëndësishëm në lidhje me reformat”, theksoi Christodoulides, shkruan RTS.
