Publicisti malazez, Ljubomir Filipoviq, ka publikuar një video në “X” ku tregon se në Budva të Malit të Zi është shfaqur një pano e madhe ku shkruan “Kur ushtria të kthehet në Kosovë”.
Ai ka treguar se në më pak se dy muaj, janë shfaqur mbi 30 pano të tilla nacionaliste serbe nëpër Budva.
“Një pano e madhe ‘Kur ushtria (serbe) kthehet në Kosovë’ është shfaqur në qytetin tim Budva sot.
Pos kësaj, për dy muaj tashmë, ka më tepër se 30 billborde serbe nacionale në gjithë qytetin tonë të vogël. Po thonë se malaziasit nuk ekzistojnë si komb i ndarë”, shkruan Filipoviq në “X”.
Grafite të tilla janë shfaqur me muaj të tërë nëpër Serbi, ndërsa jo rrallë herë janë parë edhe në veri të Kosovës.
Huge banner “When (Serbian) Army Returns to Kosovo” popped up in my hometown Budva today. In addition, for two months already, there are more than 30 Serbian nationalist billboards all over our small town. They’re saying that Montenegrins do not exist as a separate nation. pic.twitter.com/WwcMR4u7h8
— Ljubomir Filipović (@ljubofil) December 14, 2023
