Analisti politik, Ermal Sadiku, ka thënë se kryetari i Lidhjes Demokratike të Kosovës, Lumir Abdixhiku, është lider i së ardhmes.
Ai ka thënë se Abdixihiku në të ardhmen mund të jetë edhe kryeministër i Kosovës.
“Lumir Abdixhiku për dallim nga kryetari i PDK-së, Memli Krasniqi, ka hyrë në një garë dhe e ka fitu, është zgjedhur kryetar i partisë. Ky është lider që e ka marr pozitën e kryetarit me luftë do të thotë luftë politike. Kjo e bënë shumë të fortë dhe të respektuar në parti, dhe unë e shoh si lider edhe në të ardhmen. E shoh ndoshta edhe kryeministër të Kosovës”, ka thënë Sadiku.
Ai ka thënë se partitë opozitare nuk duhet të shihen si tërësi, pasi sipas tij, kjo është edhe dëshira dhe propaganda e partisë në pushtet.
“Qasja e LDK-së si opozitë deri tash më ka pëlqyer më shumë, i kanë bërë disa inovacione. Më ka pëlqyer edhe emisioni – podcasti i Lumir Abdixhikut, që po merr kritika në rrjete sociale, por mendoj se është i lezetshëm, i ka pasur disa mysafirë të mirë, tregon se është diçka moderne”, ka thënë Sadiku.
Sipas tij, “LDK-ja nuk ka ikur prej ideologjisë pro-perëndimore që e kanë ndërtuar për vite të tëra.”
Ai ka thënë se për shkak të gabimeve në të kaluarën janë partia më e dënuar me vota nga qytetarët
