Eksperti i sigurisë, Drizan Shala sot në Kosova Today ka folur rreth një sulmi të mundshëm nga Serbia në Kosovë.
Ai u shpreh se nga vigjilenca e institucioneve të sigurisë dhe ato të inteligjencës, Serbia e ka të pamundur zbatimin e planeve të saj, njofton Klankosova.tv.
“Institucionet e sigurisë, ato inteligjente janë në luftë në vazhdimësi me palën kundërshtare, me palën serbe, pra çfarëdo veprimi që ata ndërmarrin, institucionet e Kosovës marrin informacionin nga partneret mike aty i ndërmarrin veprimet preventive dhe këto veprime preventive atëherë Serbia e ka të pamundur zbatimin e planit të saj”, tha Shala.
Ndërkaq sipas tij, Kosova është në ditën më kritike të saj që nga çlirimi dhe shpallja e pavarësisë.
“Sipas vlerësimeve e të mija dhe në bazë të elementeve të caktuara por edhe faktorëve dhe aspektit akademik, ne mund të konstatojmë që është dita më kritike që nga çlirimi dhe shpallja e Pavarësisë së Republikës së Kosovës”.
