Tensionet me Kosovën/ Eksperti i sigurisë bën paralajmërimin e bujshëm: Serbia largohet përfundimisht nga Europa

Aktuale

Tensionet me Kosovën/ Eksperti i sigurisë bën paralajmërimin e bujshëm: Serbia largohet përfundimisht nga Europa

Më: 26 mars 2024 Në ora: 12:15
Albin Kurti dhe Aleksandar Vuçiq

Eksperti i sigurisë, Drizan Shala tha në një intervistë për Euronews Albania se Serbia është duke u tërhequr tërësisht nga fryma demokratike perëndimore dhe është duke rikthyer neutralitetin ushtarak, ekonomik dhe politik në raport me BE dhe NATO.

Sipas tij, kjo u bë e qartë edhe nga vetë presidenti Vuçiç në një fjalim të mbajtur në 25-vjetorin e bombardimeve të NATO-s në Beograd, ku ai tha se “do të mbetemi neutralë sepse vetëm kështu mund të shpëtojmë”.

“Kjo është bërë edhe në manifestimin e mbajtur në Prokupje të Serbisë në 25-vjetorin e bombardimeve, ku vetë Vuçiç ndër të tjera theksoi se ne do të mbetemi neutralë sepse vetëm kështu mund të shpëtojmë dhe fryma jonë shpirtërore do të mbetet aty ku ka qenë para bombardimeve.

Kjo narrativë provon faktin se Serbia nuk do të tërhiqet nga tendenca e saj për të destibilizuar rajonin,  por vazhdimisht do të kërkojë në organizma të ndryshëm ndërkombëtarë, sepse në këta evropianë tashmë ka filluar ta humbasë peshën e saj, me vetë faktin që tashmë Kosova është propozuar për Këshillin e Evropës. Dhe, kjo po tregon se politika destruktive e Beogradit ka vetëm një mbështetje dhe ajo është Rusia”, tha eksperti.

commentFirst article
Sot mund të lexoni Shfletoni kopertinat