Deputetja e LDK-së, Hykemte Bajrami, ka kritikuar kryediplomaten, Donika Gërvalla, se nuk mbulohen “dështimet” në politikën e jashtme me të “pavërteta” për ekonomike e Kosovës.
Teksa Kosova nuk ka njohje të reja dhe anëtarësim në organizata ndërkombëtare me Qeverinë Kurti, Bajrami ka thënë se Gërvalla “del e flet të pavërteta për ‘lulëzimin ekonomik’”.
“Kryediplomatja me zero suksese gjatë gjithë mandatit paska thënë që ” kemi rritje të GDP-së për 50%, kjo i bien sikur me pas thanë ‘në tri vitet e fundit kemi siguru njohjet nga 5 vendet e BE-së që nuk e njohin Kosovën’”, ka shkruar Bajrami në Facebook.
Bajrami ia ka kujtuar disa të dhëna kryediplomates kosovare.
“qe 3 vjet janë nënshkru 890 kontrata me negocim/korrupcion,
qe 3 vjet çmimet e produkteve bazë janë rritë 50%,
qe 3 vjet askush, amo askush nuk është punësu pa lidhje familjare e partiake ,
qe 3 vjet deficiti tregtar ka arrit në 5 miliardë euro,
qe 3 vjet ka ikje masive të qytetarëve nga Kosova,
qe 3 vjet Martin Berishaj qëndron në pozitën e ambasadorit, pavarësisht skandalit me blerjen e energjisë elektrike”, ka shkruar më tej Bajrami.
“E kur jemi të rritja ekonomike po ta ilustroj me një grafikon të Agjencisë së Statistikave të Kosovës, agjenci kjo që operon në kuadër të Zyrës së Kryeministrit”.
