Sot, ambasadori amerikan në Kosovë, Greg Delawie ka marrë pjesë në “Ditën e Forcës”. Ai është shprehur i kënaqur me gatishmërinë e grupit multi-etnik që të ndihmojë të gjithë qytetarët e Kosovës në rastet emergjente.
“Jam i inkurajuar të shoh progres në çështjen e diversitetit. Në këtë rast, progresi është esencial sepse FSK-ja do të jetë më së miri atëherë kur t`i pranojë të gjithë talentët nga të gjitha segmentet e shoqërisë”, thuhet në njoftimit e ambasadës amerikane.
Delawie e ka vlerësuar FSK-në si institucionin më të besueshëm.
“FSK është institucioni më i besueshëm dhe më i respektueshëm. FSK është e përkushtuar që të mbrojë sigurinë dhe mirëqenien e gjithë qytetarëve të Kosovës”, ka thënë ai.
