Për shkak të reshjeve të mëdha të borës Aeroporti Ndërkombëtar i Prishtinës “Adem Jashari” ka anuluar të gjitha fluturimet e mëngjesit.
Kështu ka konfirmuar zyrtari për informim në Aeroportin e Prishtinës, Unidon Krasniqi.
Krasniqi tha se si pasojë e reshjeve të borës mëngjesin e sotëm nga Aeroporti “Adem Jashari” nuk është realizuar asnjë fluturim i paraparë , dhe se janë në pritje të përmirësimit të kushteve atmosferike për të realizuar aterimet.
“Asnjë fluturim i mëngjesit nuk ka ateruar deri më tani për shkak të kushteve atmosferike. Vetëm një aeroplan është nis, ndërsa të gjitha fluturimet e tjera janë anuluar”, tha Krasniqi.
