Lideri i AAK-së, Ramush Haradinaj nga Franca ka uruar presidentin e ri të Shteteve të Bashkaura të Amerikës, Donald Trump.
Në një postim në Facebook, Haradinja ka thënë se është i bindur se SHBA do të jenë partner strategjik i Kosovës edhe nën udhëheqjen e Presidentit Trump.
“Unë me zemer sot isha në Washington, ani se me trup në Francë e në pritje të lirisë që nuk tjetërsohet”, ka shkruar ai, përcjell Bota sot.
Postimi i plotë:
Urime Presidentit të ri të SHBA-së, Donald Trump, urime Popullit Amerikan!
Falënderime për Presidentin e deritashëm Obama dhe Administratën e tij, për gjithë mbështetjen për Kosovën dhe popullin e saj për këto tetë vjet!
Jam i bindur se SHBA do të jenë partner strategjik i Kosovës edhe nën udhëheqjen e Presidentit Trump!
Unë me zemer sot isha në Washington, ani se me trup në Francë e në pritje të lirisë që nuk tjetërsohet.
Urime Amerikë!/BS/