Publicisti Fadil Lepaja, ka vlerësuar se propozimi i Presidentit Thaçi për shndërrimin e FSK-së në Ushtri me anë të ndryshimeve ligjore është i qëndrueshëm. Mirëpo sipas tij, pa koordinimin me NAT0 dhe SHBA FSK-ja nuk mund të shndërrohet në forcë serioze.
“FORCA APO FUQIA, PRESIDENT? Padyshim të gjitha argumentet që jepen në propozimin e Presidentit të Kosovës, për ndryshimin e misionit të Forcës së Sigurisë së Kosovës, përmes ligjit, janë të qëndrueshme. Mungojnë vetëm dy: ai i forcës dhe ai i sigurisë. Pa kordinim me NATO dhe SHBA, FSK nuk mund të shëndërrohet në forcë serioze , e cila mund të u ofroj siguri qytetarëve të Kosovës, ashtu si e parasheh kushtetuta, dhe ligji. Prandaj, Presidenti , përpara se të e dërgojë ligjin në kuvend, është dashur që përpos konsultimit me NATO dhe SHBA, këta dy faktorë suprem të sigurisë globale, të e konsultoj edhe Ramizin. Ju do të pyesni, sigurisht, përse Ramizin?! Sepse është dashur të sqarohet se a e bënë forca fuqinë, apo fuqia forcën!”, ka shkruar Lepaja në një postim në Facebook.
