Babai i Astritit, Avni Dehari, kandidat i Vetëvendosjes për deputet!

Aktuale

Babai i Astritit, Avni Dehari, kandidat i Vetëvendosjes për deputet!

Më: 16 maj 2017 Në ora: 20:26
Avni Dehari, babai i aktivistit të ndjerë të Vetëvendosjes, Astrit Dehari.

Me afrimin e zgjedhjeve partitë politike kanë nisur përpilimin e listave për kandidatët për deputetë.

Me siguri se garës zgjedhore të 11 qershorit do t’ia mësyjnë edhe kandidatë të rinj.

Periskopi merr vesh nga burime të vetat se në listën e Lëvizjes Vetëvendosje për kandidat për deputet, do të futet edhe Avni Dehari, babai i aktivistit të ndjerë të Vetëvendosjes, Astrit Dehari.

Sipas këtyre burimeve, ende nuk dihet renditja e Deharit në listë, mirëpo kandidimi i tij thuhet se tashmë është punë e kryer dhe pritet zyrtarizimi i tij dhe të tjerëve si kandidatë në këto zgjedhje.

Afërsia e Avni Deharit me Lëvizjen Vetëvendosje ka qenë evidente përgjatë viteve sa Vetëvendosje është angazhuar në politikë.

Avni Dehari ka qenë i angazhuar politikisht që në moshë të re. Ai ishte anëtar i hershëm i Lëvizjes Popullore të Kosovës (LPK), bashkë me gruan e tij Xhemilen.

Nga viti 1981 deri më 1999 ka jetuar në Zvicër, dhe më pas ishte kthyer në Kosovë me familjen e tij, përfshirë dy bijtë e tij të ndjerë, Astritin e Arbnorin, rrethanat e vdekjes të të cilëve ligjërisht mbeten ende të pasqaruara.

Sot mund të lexoni Shfletoni kopertinat