Vuçiq bën hapin e parë për të hequr dorë nga Kosova - Bota Sot
Vuçiq bën hapin e parë për të hequr dorë nga Kosova

Aktuale

E shtunë, 20 tetor 2018

Vuçiq bën hapin e parë për të hequr dorë nga Kosova

Më: 12 korrik 2017 Në ora: 18:25
Presidenti i Serbisë, Aleksandar Vuçi

Mediat serbe raportojnë se Presidenti i Serbisë, Aleksandar Vuçiq në këtë shtator do të nis një formë të dialogut të brendshëm, ku do të ketë konsultime me partitë politike, shoqërinë civile, Kishën Ortodokse serbe, si dhe Akademinë serbe të Shkencave dhe të Arteve lidhur me të ashtuquajturin “problem të Kosovës”

Këtë dialog Vucic e kishte paralajmëruar që në fillim të mandatit të tij, raportojnë mediat serbe.

Përmes këtij dialogu Serbia do të vendos përfundimisht për pozicionin e saj karshi Kosovës.

Përveç faktorëve të lartcekur, pjesë e këtij dialogu do të jenë të gjithë “faktorët e tjerë të rëndësishëm social”, me të vetmin qëllim që të arrihet një “zgjidhje e përbashkët për problemin e Kosovës”.

E gjithë kjo situatë bëhet më e rëndësishme nëse kujtojmë deklarimet e mëhershme të Vucicit, ku ai paralajmëroi se po afrohet një epokë e re e marrëdhënieve Kosovë-Serbi, deklarim ky që nga shumë kush u interpretua si gatishmëri e shtetit serb që të heq dorë nga Kosova, e gjithë kjo shkaku se BE nuk po e lejon të ec tutje në rrugën e integrimit europian, me problemin e Kosovës brenda.

Për këto fjalë të Vucicit, nacionalistët serb e quajtën atë “tradhtar”, mirëpo Vucic tha se ai “nuk shqetësohet për këtë sepse brengoset për të ardhmen e Serbisë”,

Serbia në rrugën e saj drejt Bashkimit Evropian e ka kusht hapjen e kapitullit të 35’të, i cili parasheh pikën jetike: heqjen e Kosovës nga preambula e kushtetutës serbe, në të cilën Kosova shihet si pjesë territoriale serbe.

Në një deklarim të muajit të kaluar, të cituar nga b92, Vucic u shpreh se ky dialog do të qartësojë një herë e mirë marrëdhënien e Serbisë me regjionin, rrjedhimisht qëndrimin e tyre përfundimtar për Kosovën.

Sot mund të lexoni Shfletoni kopertinat
Sondazh
test