Lideri i LDK-së Isa Mustafa ka përmendur shkollat që ka ndërtuar gjatë kohës kur ai ka qeverisur në Prishtinë, përcjell Bota sot.
Përmes një postimi në llogarinë e tij në Facebook, ai ka pyetur se sa shkolla ka ndërtuar qeverisja e Vetëvendosjes për katër vite.
Postimi i plotë:
Në Prishtinë, qeverisja e Lidhjes Demokratike të Kosovës, për katër vite,
- ndërtoi 26 objekte shkollore, ndër to: Shkollën e Gjelbër, Shkollën Model, Shkollën Ekonomike, Shkollën Teknike, Gjimnazin Xhevdet Doda, Shkollën e TI-së, Shkollën në Vreshtat, Shkollën Emin Duraku, Shkollën në Lagjen e Spitalit, Shkollën në Barilevë, në Ajvali, në Llukarë, në Keqekollë, në Bardhosh dhe shkolla të reja në të gjitha fshatrat ku kishte godina të vjetra shkollore;
- ndërtoi 13 anekse shkollore, qoftë vet, qoftë me përkrahje të USAID-it dhe organizatave tjera;
- ndërtoi 10 salla të edukatës fizike dhe 16 terrene sportive në oborre të shkollave.
Shtrohet pyetja: Sa shkolla ndërtoi qeverisja e Vetëvendosjes për katër vite?
