Në Qendrën e Numërimit dhe të Rezultateve ka filluar rinumërimi i kutive të votimit për të cilat vendosi Komisioni Qendror i Zgjedhjeve.
Bëhet fjalë për rreth 700 kuti votimi nga zgjedhjet për Kuvende Komunale.
Lajmi është konfirmuar nga zëdhënësi i KQZ-së, Valmir Elezi.
Sipas zyrtarëve të KQZ-së, është planifikuar që brenda një ndërrimi të rinumërohen 60 kuti votimi.
Në total brenda një dite parashihet të numërohen 120 kuti votimi. Nëse arrihet të ndiqet kjo dinamikë i bie që brenda një jave të përmbyllet ky rinumërim