Gjatë ditës së djeshme u bë e ditur se 21 vjeçari, Hamza Abazaj, ka ndërrruar jetë në Qendrën Korrektuese të Dubravës.
Të kontaktuar nga “Bota sot”, Ushtrues Detyre i Drejtorit të Përgjithshëm Sokol Zogaj, e ka konfirmuar për “Bota sot” këtë vdekje, duke thënë se i riu ka qenë duke u kuruar në ambulancën e burgut.
“Një i paraburgosur ka vdekë në qendrën spitalore rexhionale në Pejë. Përndryshe i paraburgosuri ka qenë duke u kuruar në ambulancën e burgut të Dubravës”, ka thënë Zogaj.
Hamza Abazaj akuzohej për vrasjen e Ibrahim Nezirajt dhe plagosjen e Bleart Nezirajt, përderisa babai i tij, Isufi , akuzohet për ndihmë në kryerjen e veprës penale të vrasjes së rëndë dhe pjesëmarrjes në rrahje./Bota sot