Derisa kryeminsitri aktual Ramush Haradinaj po refuzohet nga vendet mike të Kosovës për të realizuar vizita e për të marrë pjesë në festa e rituale të tyre, ish kryeministri Isa Mustafa ishte i mirëpritur nëpër shumë vende të botës.
Ditë më parë u bë e ditur se kryeministri Haradinaj kishte kërkuar vizë për të udhëtuar drejtë SHBA-së, për të marrë pjesë në ritualin e Lutjeve të Mëngjesit, por që iu pamundësua duke iu refuzuar viza.
Haradinaj ka më tepër se tre muaj që është në krye të qeverisë, ndërsa deri më tani nuk ka realizuar asnjë vizitë shtetërore në ndonjë shtet të Evropës apo edhe më larg, përveq Shqipërisë. Atë e mirëpriti kryeministri shqiptar, Edi Rama, mirëpo jo edhe homolgët e tjerë evropianë ose gjetiu.
Si i tillë, Haradinaj po bëhet i padëshirueshëm nga miqtë ndërkombëtarë. Një ndër veprimet e fundit të tij, kërkesa për shfuqizimin e Gjykatës Speciale, gati i prishi marrëdhëniet me miqtë ndërkombëtarë të ndërtuara deri më tani.
Përkundër Haradinajt, kryeministri Isa Mustafa ishtë i pëlqyeri i përfaqësuesve evropianë për të qeverisur me vendin. Këtë e dëshmojnë më së miri vizitat e shumta të kryeministrit Isa Mustafa nëpër shumë vende të Evropës dhe më larg.
Kështu gjatë vitit 2015 ka qenë i vështirë, por edhe me shumë ngjarje politike të shënuara për Qeverinë e Kosovës. Gjatë këtij viti, kryeministri Mustafa ka zhvilluar disa vizita jashtë vendit, dhe ka pritur personalitete të larta në Kosovë. Kryeministri Mustafa është takuar me Zëvendës Presidentin amerikan Biden, Kancelaren Merkel, Sekretarin Kerry, drejtuesit kryesor të BE-së, Mbretin e Jordanisë, presidentë, kryeministra, e përfaqësues të tjerë të lartë politikë, të kompanive prodhuese, e të tjera.
Më poshtë mund t’i shihni në foto 13 takimet kryesore të nivelit të lartë dhe më karakteristike, të kryeministrit Isa Mustafa, gjatë vitit 2015.