Sekretari Organizativ i AKR-së, Rrahim Pacolli, përmes një postimi në Facebook ka shkruar se shfuqizimi i Gjykatës Speciale nuk i sjellë aspak të mira Kosovës.
Sipas Pacollit, me shfuqizimin e kësaj gjykate për Kosovën vjen një izolim i tipit të Shqipërisë së vitit 45-të të kohës së Enver Hoxhës.
“Shfuqizimi i Gjykatës Speciale nuk i sjellë aspak të mira Kosovës. Një izolim i tipi të Shqipërisë së vitit '45 të Enver Hoxhës është ajo që e pret vendin tonë, nëse i bëjmë aleatët tanë më të mëdhenj ndërkombëtarë të na kthejnë shpinën”, thuhet ndër tjerash në postimin e Pacollit.
Ja postimi i plotë:
Gjykata Speciale në vitin 2014 nuk është dashur të themelohet fare, e për këtë kanë bërë gabim deputetët.
Por meqë është miratuar atëherë janë mbyllur dyert për një kthim të mundshëm pa pasoja.
Shfuqizimi i kësaj Gjykate në një mënyrë tinëzare, vetëm na rikthen 18 vite pas, dhe na bën të humbim miqtë tanë amerikanë e evropianë.
Ne nuk e kemi luksin të kthehemi prapa dhe të prishim marrëdhëniet me të gjithë ata që kur kishim nevojë na ndihmuan, në veçanti SHBA-të.
Shfuqizimi i Gjykatës Speciale nuk i sjellë aspak të mira Kosovës. Një izolim i tipi të Shqipërisë së vitit '45 të Enver Hoxhës është ajo që e pret vendin tonë, nëse i bëjmë aleatët tanë më të mëdhenj ndërkombëtarë të na kthejnë shpinën.
E efektet e natës së 22 dhjetorit duket se kanë nisur të shfaqen. RrP
