(E plotësuar) - Sot, u përkujtua vepra dhe jeta e Enver Malokut, me ç’rast anëtarë të kryesisë së LDK-së dhe familjarë e bashkëpunëtorë bënë homazhe te lapidari i tij.
Sekretari i Përgjithshëm i LDK-së, Ismet Beqiri tha se Maloku ishte bashkëpunëtor i ngushtë i ish-Presidentit Rugova dhe vrasja e tij dhe e shumë veprimtarëve të tjerë që janë vrarë pas luftës duhet të zbardhen.
“Jemi mbledhur sot, për të nderuar figurën e madhe të Enver Malokut, njeriut të pendës, njeriut të mprehtë, njeriut intelegjent i cili punoi e kontribuoi në një kohë të vështirë të shtetit tonë. Edhe sot, shprehim dhembjen tonë për mungesën e një intelektuali të madh, mungesa e tij vërehet jo vetëm për LDK-në por edhe të gjithë Kosovës”, ka thënë z. Beqiri.
“Vazhdimisht e kemi thënë se organet e drejtësisë e kanë për obligim, t’i zbardhin këto raste dhe nuk do të rreshtim së kërkuari që të zbardhet vrasja e Enverit, aktivistëve të LDK-së dhe të gjitha vrasjet që janë bërë në Kosovë”, ka thënë ndër të tjerash z. Beqiri.
“Shpresojmë që nuk do të jetë larg dita kur do të zbardhet vrasja e Enverit dhe e veprimtarëvë tjerë”, tha Beqiri.
Ndërsa e bija e Malokut, njëherësh deputete e Kuvendit të Republikës së Kosovës znj. Doruntina Maloku, ka thënë se për familjen këto jan? 19 vjet dhimbjeje dhe krenarie, por edhe 19 vjet pritje për drejtësi. Ajo ka bërë thirrje që vrasjet e pazbuluara të veprimtarëve politikë të ndriçohen sa më parë.
***
Vajza e veprimtarit të LDK-së, Enver Malokut, Doruntina Maloku, ka kërkuar nga Qeveria e Kosovës t’i heqë duart nga organet e drejtësisë, duke thënë se LDK nuk do të lejojë që PDK-ja të formojë komisionin për hetimin e SHIK-ut.
Ajo këto komente i bëri me rastin e përvjetorit të vrasjes së veprimtarit të LDK-së, Enver Maloku, me ç’rast anëtarët e kryesisë së LDK-së kanë bërë homazhe te lapidari i tij.
E pyetur se a mund të ketë ndonjë iniciativë nga LDK-ja për të mbledhur nënshkrime që të hetohet SHIK-u, Doruntina Maloku thotë se është kundër formimit të komisionit për hetimin e SHIK-ut.
Maloku: Ne jemi kundër, nuk do të lejojmë që PDK-ja ta formojë komisionin
“Ne e kemi bërë të qartë qëndrimin tonë në lidhje me hetimin e SHIK-ut. Ne kemi qenë të gatshëm të hetojmë SHIK-un në kohën kur ne kemi qenë në Qeveri. Në atë kohë ne do ta kishim shumicën në komision dhe nuk do të lejonim që të bëheshin manipulime me dëshmitë për SHIK-un. Në këtë kohë kur kryeparlamentari Kadri Veseli kërkon që të formohet komisioni për hetimin e SHIK-ut, ne jemi kundër, sepse nuk do të lejojmë që PDK-ja ta formojë komisionin për SHIK-un dhe ta hetojë vetveten”, tha ajo.
Për shkak të gjendjes shëndetësore, në këto homazhe mungoi kryetari i Lidhjes Demokratike të Kosovës, Isa Mustafa.
Ish-kreu i Prishtinës, Ismet Beqiri, theksoi se Enver Maloku i mungon jo vetëm Lidhjes Demokratike, por edhe Kosovës dhe gjithë shqiptarëve.
Beqiri: Sot u bënë 19 vite nga vrasja e Malokut
“Sot po bëhen 19 vite, që nga vrasja makabre e shefit të QIK-ut, bashkëpunëtorit më të ngushtë të presidentit Rugova. Ne sot ishim për homazhe, kryesia e Lidhjes Demokratike të Kosovës dhe përfaqësues tjerë, deputetë dhe aktivistë e veprimtarë tjerë, për të nderuar edhe njëherë figurën e madhe të Enver Malokut, njeriut të pendës, një njeriu të mprehtë, një njeriu inteligjent, kombëtar, atdhetar, i cili në kohën më të vështirë, ishte ai që me shkrimet e tij, me botimet e informatorit në atë kohë, dhe shumë punë tjera që i bënte në aspektin informativ, bëri që bota të njehë problemin dhe problemet që ishin në Kosovë në kuptimin e diskriminimit, dhunës dhe gjithë asaj që bëhej karshi shqiptarëve. Prandaj, edhe sot me këtë rast ne shprehim dhembjen tonë për mungesën e një njeriu, një bashkëshorti, një familjari, një prindi dhe siç e thashë një intelektuali të madh”, tha ai.
Ai ka kërkuar nga organet e drejtësisë që të punojnë për zbardhjen e vrasjes së Enver Malokut, në mënyrë që familja e tij të ketë qetësi shpirtërore.
Beqiri: Organet e drejtësisë e kanë për obligim zbardhjen e këtij rasti
“Shfrytëzojmë mundësinë të themi se organet e drejtësisë e kanë për obligim, vazhdimisht e kemi thënë dhe s’do të rreshtim së kërkuari që të zbardhet vrasja e Enverit dhe e shumë veprimtarëve tjerë të Lidhjes Demokratike të Kosovës, por edhe të tjerëve që u vranë në mënyrën më barbare, tinëzare, nga një dorë që nuk ia ka dashur të mirën Kosovës”, tha ai.
I pyetur se a ka bërë diçka konkrete për hetimin e këtij rasti dhe rasteve tjera të vrasjeve politike, Beqiri tha se këtë punë duhet ta bëjnë organet kompetente, por sipas tij ka pasur interesa që këto raste të mos zbardhen.
Enver Maloku është vrarë më 11 janar të vitit 1999 në rrethana ende të pasqaruara dhe rasti i tij ende nuk është zbardhur.
Homazhe tek lapidari i Enver Malokut: Dikujt po i pengon zbardhja e vrasjeve të aktivistëve të LDK-së
Anëtarët e kryesisë së Lidhjes Demokratike të Kosovës, kanë bërë sot homazhe tek lapidari i aktivistit të vrarë të kësaj partie, Enver Maloku.
Ismet Beqiri nga LDK ka thënë se si parti nuk do të ndalen së kërkuar që të zbardhën vrasjet e pas luftës. Ka thënë po ashtu se dikujt po i pengon që të zbardhet vrasja e Malokut dhe të tjerëve por është shprehur i bindur se së shpejti pritët që të zbardhet vrasja e Malokut, shkruan Insajderi.
“Organet e drejtësisë e kanë për obligim t’i zbardhin këto raste dhe nuk do të rreshtim së kërkuari që të zbardhet vrasja e Enverit, aktivistëve të LDK-së dhe të gjitha vrasjet që janë bërë në Kosovë. Po besojmë që nuk do të jetë larg dita kur do zbardhet vrasja e Malokut. Besojmë që dikujt i ka pengu të zbardhet vrasja e Malokut por edhe anëtarëve të tjerë të vrarë LDK-së”.
Vajza e Enver Malokut, njëherit edhe deputete për të dytin mandat nga radhët e LDK-së, Doruntina Maloku, tha se LDK-ja sa ishte në qeveri kishte kërkuar themelimin e një komisioni për të hetuar SHIK-un.
Tani, sipas saj, të njëjtën gjë po e kërkon kryeparlamentari Kadri Veseli, ngaqë anëtarë të këtij komisioni do të jenë nga radhët e PDK-së, gjë të cilën LDK-ja do ta kundërshtoj.
Enver Maloku, i cili ishte kreu i Qendrës Informative të Kosovës, u vra më 11 janar 1999, në afërsi të banesës së tij.
