Zëvendëskryeministri, Dardan Gashi pas shkrimit të gazetarit Bajrush Morina për “Rastin Maloku” ka thënë se ai ndoshta e di mirë se kush e ka kryer atë vrasje.
“Morina ose e di mirë ose supozon se e di kush e ka kryer vrasjen e ish veprimtarit të LDK-së, Enver Maloku”.
Megjithatë, Gashi gjatë një interviste në Info Magazine ka thënë që kjo është një temë e ndjeshme për Kosovën dhe nuk duhet të priten përvjetorët për të shtjelluar tema të tilla.
“Kryeprokurori është i detyruar të merr këtë rast, megjithatë mund të quhet vepër penale nëse e di që dikush ka kryer një veprim të tillë dhe nuk e ka lajmëruar”, ka thënë Gashi duke iu referuar deklaratave të Morinës.
“Morina duhet ta ndihmojë vendin duke përmendur emra dhe duke nxjerrë fakte lidhur me këtë rast”.