Të martën, në ora 16 është vendosur të mbahet seanca e Kuvendit të Kosovës, ku pritet që të votohet për Demarkacionin me Malin e Zi.
Pas marrëveshjes mes koalicionit qeverisës dhe LDK-së, si dhe kalimit të Donika Kadaj-Bujupit nga Vetëvendosje në AAK, tashmë janë siguruar 79 vota. E për tu ratifikuar Demarkacioni duhet edhe një votë.
E lidhur me këtë, Gazmend Islami, kryetar i Ballit Kombëtar Demokrat në Kosovë, ka paralajmëruar se edhe Dukagjin Gorani, deputet i dorëhequr nga Vetëvendosje, do ta votojë këtë marrëveshje.
“79 Deputet me Doniken edhe Dugagjin Gorani rrumbullak 80, te marten tradhtia po don me fal token e Kosoves”, ka shkruar Islami në faqen e tij në facebook.
