Seanca për demarkacionin është përcaktuar për të martën e javës së ardhshme. Mirëpo, deputetët e pozitës ende nuk janë shprehur të sigurt se i kanë numrat e nevojshëm, ndonëse besojnë se kjo çështje mund të kaloj në Kuvend.
Kështu, deputeti i Aleancës për Ardhmërinë e Kosovës, Muharrem Nitaj nuk është shprehur i sigurt që i kanë numrat e nevojshëm për të kaluar demarkacionin, derisa ka thënë se seanca është caktuar për të martën.
“Seanca është caktuar për të martën e ardhshme në ora 16. Unë besoj se do të ketë vota të mjaftueshme, por rezultati i saktë do të mund të kuptohet vetëm ditën e martë”, thotë deputeti Nitaj për “Bota sot”.