Haradinaj-deputetëve: Mos minimizoni dokumentet për demarkacionin

Aktuale

Haradinaj-deputetëve: Mos minimizoni dokumentet për demarkacionin

Më: 20 mars 2018 Në ora: 23:14
Ramush Haradinaj

Kryeministri i Kosovës, Ramush Haradinaj ka lutur edhe një herë deputetët që mos të minimizojnë dokumentet që kanë para vete për marrëveshjen për demarkacionin me Malin e Zi, por t’i shfrytëzojnë për korrigjim sepse janë në projektligj.

Haradinaj në përfundim të debatit për demarkacionin me Malin e Zi, ka thënë se sot shpjegoi që gjatë këtyre 6 muajve kanë lëviz gjerat me komisionin Bulliqaj dhe mos e minimizoni sepse e mundëson të drejtën në territor të vendit tonë.

Haradinaj: Shfrytëzoni me nxjerr korrigjimin se i kemi në ligj

“Nesër si Kosovës duhet të kërkojmë ndoshta korrigjime, përmirësime dhe nuk e kuptojë pse para se të mbërrimë atje duhet ta dobësojmë vetveten ne, jo vetëm një krah por të gjithë ne me thënë këto nuk janë asgjë, janë gënjeshtra, janë për ta larë fytyrën dikush, ndoshta edhe janë ashtu por shfrytëzoni me nxjerr korrigjimin sepse i kemi në ligj, kushdo qofshim ne“, ka thënë ai.

Ai edhe një herë i luti deputetët që mos ta minimizojnë këtë pasi është raporti Bulliqaj, deklarata e dy presidentëve që mundësojnë korrigjimin.

commentFirst article
Sot mund të lexoni Shfletoni kopertinat