Zyrtari i Lidhjes Demokratike të Kosovës, Bajram Gecaj, përmes një postimi ne Facebook thotë se deklarata e Haradinajt se katër serbët e “Ekipit Menaxhues” e përpilojnë statutin e Asociacionit të Komunave me shumicë Serbe, dhe çdo muaj e raportojnë në Bruksel është një huqje shumë e madhe për pozitën e kryeministrit të vendit, përcjellë “Bota sot”.
Sipas tij, katër serbët asnjëherë nuk është paraparë ta përpilojnë statutin të vetëm, por në bashkëpunim me institucionet e Kosovës.
Ja postimi i plotë i Gecajt:
E tmerrshme, Ramush Haradinaj sapo tha në T7 se katër serbët e “Ekipit Menaxhues” e përpilojnë statutin e Asociacionit të Komunave me shumicë Serbe, dhe çdo muaj e raportojnë në Bruksel. Kjo është një huqje shumë e madhe për pozitën e kryeministrit të vendit. Katër serbët asnjëherë nuk është paraparë ta përpilojnë statutin të vetëm, por në bashkëpunim me institucionet e Kosovës (MAPL), OSBE-në dhe BE-në, dhe atë në Kosovë. Këta donë me na marrë në qafë!