Edhe Pacolli takon delegacionin nga Kuvajti

Aktuale

Edhe Pacolli takon delegacionin nga Kuvajti

Më: 13 prill 2018 Në ora: 12:17
Pamje nga takimi

Ministri i Punëve të Jashtme, Behgjet Pacolli ka pritur sot në takim Grupin parlamentar të Miqësisë nga Kuvajti të kryesuar nga Waleed Al-Tabtabae.

Gjatë takimit u  theksua se Kuvajti është i gatshëm të ndihmojw Kosovën rreth anëtarësimit në organizata ndërkombëtare dhe rajonale, si dhe do të ndihmojë me njohje nga disa shtete tek të cilat ka ndikim.

“Kosova mund te jetë e vogël në aspektin fiziko-gjeografik, por zemra e popullit të saj është e madhe”, deklaroi kryesuesi i delegacionit nga Kuvajti, Waleed Al- Tabtabaie, kryetar i Grupit të Miqësisë.

Me këtë rast edhe njëherë u theksua mundësia e përkrahjes së projekteve të identifikuara nga ana e Kosovës që do t’i përkrahë fondi i Kuvajtit dhe në ketë drejtim priten studime serioze nga ana e Republikës së Kosovës.

Në fund delegacioni mirëpriti vullnetin e shprehur nga ana e Sh.T.z. Behgjet Pacolli për ta vizituar Kuvajtin në një të ardhme të afërt.

commentFirst article
Sot mund të lexoni Shfletoni kopertinat