Kryetari i Kuvendit të Kosovës, Kadri Veseli, ka treguar se ai është në Lublanë me homologë dhe deputetë të shteteve të Evropës Juglindore, ku nesër do të mbajnë sesionin e pestë të Asamblesë Parlamentare të Procesit të Bashkëpunimit të Evropës Juglindore (SEECP PA).
“Bashkë me homologë dhe deputetë të shteteve të Evropës Juglindore, u takuam sonte në Lublanë, ndërsa nesër do të mbajmë sesionin e pestë të Asamblesë Parlamentare të Procesit të Bashkëpunimit të Evropës Juglindore (SEECP PA)”- ka shkruar Veseli.
Ai thotë se gjatë punimeve të SEECP, do të paraqes të arriturat e Kosovës dhe progresin e shënuar nga legjislativi.
“Gjatë punimeve të SEECP, do të paraqes të arriturat e Kosovës dhe progresin e shënuar nga legjislativi në rrugën drejt integrimeve evropiane. Kosova do të kryesojë SEECP-në në periudhën 2019/2020”- tregon Veseli.