Diart Tafa nga Shtimja, dhe vëllai i tij, Vullneti po kërkohen nga policia. Ata të dy me 8 prill inskenuan rrëmbimin e 11 vjeçarit nga Shtimja, Erlis Tafës.
Por, vëllezërit Tafa janë larguar nga Kosova, një ditë pas rrëmbimit se bëhej fjalë për inskenim të kësaj ngjarje.
Kryeprokurori i Prokurorisë Themelore në Ferizaj ka dhënë urdhër për arrestimin e tyre.
Kryeprokurori, Shukri Jashari tregoi si erdhi te zbardhja e këtij rasti.
Krejt kjo, sipas dëshmisë së të miturit u bë vetëm me një qëllim. Edhe pse fajtorët u gjetën, hetimet nuk do të mbyllen.
Lista e të dyshuarve, ka mundësi të përfshijë edhe anëtarët e familjes së ngushtë të Erlisit.
Televizioni Shtatë mëson se Vullneti dhe Diarti, kishin joshur 11 vjeçarin me 100 euro para se rasti të ndodhte.
Pushimi i tyre i paraparë të zgjaste edhe 1 javë ishte ndalur, në momentin kur skandali ishte bërë mediatik.
Ata u kthyen në Belgjikë, me të njëjtën veturë që kishin inskenuar rastin.
Media gjatë ditës ka vizituar edhe familjen Tafa, por, dyert e shtëpisë sot ishin të mbyllura.